نئی دہلی،2جولائی(ایس او نیوز/آئی این ایس انڈیا)آئی سی ایس ای بورڈ کے اسکولوں میں پڑھائی جا رہی ایک کتاب میں شائع تصویر کو لے کر ہنگامہ مچ گیا ہے۔چھٹی کلاس کی کتاب میں شائع تصویر میں مسجد کو صوتی آلودگی کے ذریعہ کے طور پر دکھایا گیا ہے۔کتاب کی یہ تصویر سوشل میڈیا وائرل ہو گئی ہے۔لوگ پبلیشر سے معافی کا مطالبہ کے ساتھ کتاب کے موجودہ ایڈیشن سے تصویر ہٹانے کا مطالبہ کر رہے ہیں۔سائنس کی اس کتاب کو سیلنا پبلشرز نے شائع ہے جس میں ایک حصہ صوتی آلودگی کی وجوہات پر مبنی ہے۔
سوشل میڈیا پر شیئرکی جا رہی تصویر میں ٹرین، کار، طیارہ اور مسجد کو شور پیدا کرنے والے علامات کے ساتھ دکھایا گیا ہے۔ان پاس کھڑا ایک آدمی اپنے ہاتھوں سے کانوں کو بند کئے ہوئے پریشان دکھائی دے رہا ہے۔سوشل میڈیا یوزرس نے کتاب کو واپس لینے کی مانگ کے ساتھ ایک آن لائن پٹیشن بھی شروع ہے۔اگرچہ آئی سی ایس ای بورڈ کے حکام کی جانب سے اس پر کوئی تبصرہ نہیں آیا ہے، لیکن پبلیشر نے تصویر کے لئے معافی مانگی ہے۔سوشل ویب سائٹ پر پبلیشر ہیمنت گپتا نے ایک پوسٹ میں کہا کہ ہم سب کو بتانا چاہتے ہیں کہ کتاب کے اگلے ایڈیشن میں اس تصویر کو ہٹا دیا جائے گا۔انہوں نے کہا کہ اگر کسی کے جذبات کو کوئی ٹھیس پہنچی ہے، تو اس کے لئے معافی مانگتے ہیں۔
اسکول کتابوں میں متنازعہ مواد کو لے کر حالیہ مہینوں میں بہت سارے معاملات سامنے آئے ہیں۔سی بی ایس ای کی 12ویں کلاس کی جسمانی تعلمی کی کتاب میں 36-24-36معیار کی جسمانی ساخت کو خواتین کے لئے سب سے بہتر جسم ساخت بتایا گیا تھا، جسے لے کر خاصا تنازعہ ہوا۔اسی طرح اس سال کے آغاز میں کلاس 4کی ماحولیاتی سائنس کی کتاب میں بلی کے بچے کو مارے جانے کومارے جانے کے طور پر دکھایا گیا تھا، جوکہ سوشل میڈیا پر وائرل ہو گیا،تنازعہ کے بعد پبلیشرکو مارکیٹ سے کتاب واپس لینی پڑی۔